政Whats噏：黃之鋒獄中禦寒　日日做運動每周食枝竹羊腩

呢排天氣寒冷，仍在還押嘅前香港眾志秘書長黃之鋒話有每日都有做運動，令身體暖啲，仲話嗰排嘅私飯菜單，每個禮拜都有一晚係枝竹羊腩。睇嚟都有保暖作用。

黃之鋒嘅社交平台今日(24日)貼文，仲上載咗佢喺今年元旦嘅獄中信，祝願大家「新年進步，平安順心」。佢話唔經唔覺，已經無見大家26個月，儘管面對種種唔確定，但真係對心志嘅鍛煉，亦話收信同埋聽電台都好實然咁覺得拉近咗外間嘅距離。

唔單止講咗點樣應付嚴寒天氣，佢仲話慶幸自己能夠保持身心健康，希望等到重逢嗰時能精精神神見到大家。跟住佢引述咗一首歌曲嘅歌詞「沿途將一切逆流轉化能量」，以此共勉，又話感恩依然感受到自己唔係獨自一人面對今年的判刑。