政Whats噏:尹兆堅體重稍回升致腰患復發 只想修身唔想增磅

2023年01月24日 13:27
東網電視
更多新聞短片
尹兆堅喺獄中腰患復發。
有前議員喺尋日(23日),即年初二去咗赤柱監獄探望民主黨前議員尹兆堅,話雖然尹嘅腰患重現,由於久病成醫,自己拉筋紓緩,算係有成效,仲話佢最想修身而唔係增磅。
前議員尋日喺社交平台貼文,話喺探尹兆堅之前行咗一轉石蔭邨,事關嗰度係尹嘅政治發源地,講畀佢聽嗰度有乜變化,例如酒樓執咗笠之類,而尹都略知一二。至於尹之前瘦咗兩個碼,前議員指尹喺獄中有繼續做運動,形容佢胸肌再現,體重亦稍為回復,然而腰患亦隨體重而重現,所以要拉筋紓緩。
尹兆堅因參與2020年民主派初選涉嫌違反《港區國安法》,被控串謀顛覆國家政權罪,一直被還押,而因為喺2018至2020年與幾宗立法會衝突有關,令到立法會會議中斷或受干擾,早前佢被判監禁7星期。