政Whats噏:變身財神派利是 盧偉國高唱財神到

2023年01月25日 15:20
東網電視
更多新聞短片
盧偉國扮財神同街坊拜年。
新春佳節,唔少政黨都會趁呢個機會向市民拜年,經民聯今日(25日)都舉行咗停辦幾年嘅花車巡遊,佢哋就落咗去到旺角同大埔區同市民拜年。
經民聯主席盧偉國同青委會顧問趙式浩,仲以財神造型登場向街坊利是,氹到一班市民好高興。唔單止派利是,出咗名識玩好多種樂器同「唱得」嘅盧偉國,仲係車上面即席高歌一曲,應下節唱「財神到」。之不過,花車巡遊都要撐得同企得穩,事關今日天氣寒冷兼大風,盧偉國喺花車上層畀風吹到頭髮亂了。
做得財神派糖之餘,就梗係會比啲祝福人啦,作為財神嘅盧偉國就祝願香港經濟可以「兔」氣揚眉,家家平安吉祥,市民事事順景咁話喎。