政Whats噏：防疫意識十足　邵家輝戴口罩食飯

隨住本港邁向有序復常，現時只剩低「口罩令」，唔少市民嘅防疫意識都略有放鬆，但批發及零售界議員邵家輝仍然時刻保持警覺，即使食飯仍臉掛口罩！

自由黨今日(31日)舉行新春團拜，一眾立法會議員、區議員濟濟一堂，身為主席嘅邵家輝喺用膳期間，臉龐仍為口罩所覆蓋，但見佢不時持筷子夾餸，扯低口罩送入嘴中，然後又將口罩拉返高，如是者周而復始，幾乎成餐飯都係咁。雖然咁做睇落係幾麻煩，但邵都甘之如飴，佢解釋話自己至今未曾確診，而又經常要在外應酬，出席行業主禮，為保障自己同他人，都係小心為妙。

同場嘅仲有灣仔區議會副主席林偉文，而佢都係謹慎一族，喺專家呼籲撤銷口罩令時，佢都堅持戴兩個口罩，皆因全家人到依家都未曾中招，惟有繼續「嚴謹」防疫。