政Whats噏：類似老家舊物　香港售價逾3萬　洪雯嘆時光不語

議員洪雯早前回鄕過年，睇見老家舊物從而勾起對先輩嘅回憶，估唔到依家返咗香港，事情還有後續。佢今日(9日)喺社交專頁貼文，話收到朋友傳來兩尊婦女造型嘅小花瓶相片，同佢視為「奇醜無比」嘅老家小擺設頗為相似。雖然後者有歷史有記憶；但前者都唔弱，標註銀碼每個賣32400港元！

其實東網都有報道過，洪雯老家嗰件晚清婦人造型嘅花瓶小擺設。後來洪雯嘅朋友就喺國貨公司，發現一對同樣以婦人造型嘅小花瓶，造型設計可謂如出一轍。儘管對方形容「找到了失散80年的兩個妹妹」，但洪雯將相片對照比較，話睇落都幾似、但又唔多似喎，仲話「時光不語，回憶竟有價」添。

如果論價格，洪雯話老家嘅舊物有一股市井氣，當然唔似得國貨公司嘅商品咁矜貴啦；但老物件喺心目中嘅價值係經過歲月沉澱，相信並非金錢所能衡量。