政Whats噏：立會大樓擴建4層用組裝合成　模擬辦公室下周有得睇

立法會綜合大樓正在擴建，將會喺依家嘅高座加建4層，而新建樓層嘅議員辦公室會採用「組裝合成」建築法建造。工程承辦商近日已完成裝嵌議員辦公室嘅模擬單位喇，將會邀請議員參觀。

話說立法會財務委員會之前通過立法會綜合大樓擴建計劃，涉款約11.7億港元，但因建築署低估有關造價，擴建工程追加33%，令造價飆升約15.6億港元。點都好啦，大樓擴建終於都有所進展，將會邀請議員喺下周一(13日)同下周二(14日)參觀模擬單位。立法會文件話，建議議員穿着輕便服飾，現場亦會派發安全帽畀所有參加議員佩戴。

其實政府擬興建嘅「簡約公屋」都係用「組裝合成」，但被指造價過高而惹來唔少議員不滿。咁啱今次立法會大樓嘅議員辦公室都採用「組裝合成」喎，唔知啲議員點睇呢？