政Whats噏：梁熙赤裸上身騷肌　小鮮肉配勁筋肉賀情人節

今日(14日)係情人節，唔少情侶或者夫婦事前都諗定點樣慶祝？之前外界都話身兼行政會議召集人嘅葉劉淑儀，周不時都影啲靚相派福利，而另一名議員梁熙亦有樣學樣，整咗張「小鮮肉配勁筋肉」。大家點睇？係咪冧爆？

梁熙上載嗰張相，係笑容滿臉，上身赤裸，身材健碩，好有肌肉，兼且有腹肌，擺明操得好Fit‧，手上仲攞住枝花添！雖然佢平時都有做運動，估唔到佢有咁嘅身形喎。跟住佢仲自爆身形冇葉劉咁好，唔敢親身上陣，借來用下。即係P圖喇！睇嚟都係想博笑下，吸睛啫！

「小鮮肉」仲寫咗幾句啱聽嘅說話，話「有伴侶嘅甜甜蜜蜜、準時收工唔使被罰、揀到對方心儀禮物。至於暫時單身嘅朋友，其實自己一個都開心。」前嗰幾句都押韻，都花咗啲心思。