政Whats噏：搞招聘會搶人才　黃俊碩笑言唔係益自己

近年香港爆發「移民潮」，過去兩年勞動人口更加流失咗14萬人，而會計業係其中一個受影響嘅重災行業。會計界議員黃俊碩（Edmund）今日（26日）聯同咗一會舉辦招聘活動，幫會計界「搶人才」喎！但唔講你唔知，原來Edmund屋企都有間會計師公司，唔通佢搞呢個活動係諗住益自己啊？

講笑咋，就梗係唔係啦！雖然Edmund嘅爸爸就係著名嘅會計師黃龍德，佢都透露自已間公司有人手短缺嘅情況，但其實佢並無用今次個招聘活動益自己。Edmund仲話自已本身所屬嘅會計師事務所都有申請參加招聘會，之不過佢見其他同行都咁等人用，就唔參加今日個實體招聘啦，畀多啲機會業界，而佢公司嘅招聘啟事就淨係貼咗喺個壁報版上，但自己公司嘅招聘告示就只係貼係牆上，畀到訪者睇。

Edmund仲話為公平起見連業界攤位嘅位置，都係英文名排列。但礙於場地有限，唔可以有太多公司擺實體攤位。