政Whats噏： 「ChatGPT」風靡全球　黃錦輝有另類使用角度

人工智體（AI）聊天機械人「ChatGPT」近日風靡全球，有啲學生亦可能取其方便，借助「ChatGPT」撰寫論文。之不過，有意見指咁同「出貓」無分別，而香港大學亦已講明校內禁止喺課堂、功課和其他評估中使用「ChatGPT」或其他AI相關工具，否則會當作抄襲個案處理。中大工程學院副院長、立法會議員黃錦輝今日（1日）亦話人工智能有兩面，甚至可以話係一種對比學習，究竟係點解呢？

黃錦輝指出「ChatGPT」對學界有可取之處，未來可以令學習更加好，不過要先處理成熟應用等問題。佢又指出程式可以係一種對比學習，讓學生喺人工智能中搵到錯誤，並願意思考，對未來科技發展亦會有好處。而教育界亦要思考新嘅教學方法來適應新科技，而非以抄襲、請槍等角度看待。

咁佢自己又有無用到呢？佢指教師可以借助「ChatGPT」協助備課，製作課堂內容，再根據自己嘅教學理念及相關專業知識去做修改，不過佢都笑言「盡信書不如無書」，最重要都係有過濾同思考能力。