政Whats噏：名藝術家團隊立會取景　影片《香港》明年3月上映

過往都曾經發生過有市民喺立法會議事廳公眾席喧嘩，甚至擲嘢，今日(15日)又有人喺公眾席「搞搞震」喎，但班議員冇投訴，仲好撐添！咁奇怪？

當然喇！人哋係嚟拍嘢嘅。立法會主席梁君彥喺社交平台貼文，話國國際知名嘅獨立藝術家Sarah MORRIS及其團隊，今日(15日)專程到立法會綜合大樓，拍攝會議同大樓內多個地點，包括會議廳前廳同電視製作嘅廣播室等。

點解揀立法會？題材多以拍攝世界各地城市記錄片嘅Sarah MORRIS，今次係喺M+博物館獲香港旅遊發展局支持下，委託佢拍攝一齣名為《香港》嘅影片，而立法會就係佢喺香港取景嘅多個地標建築物之一。

梁君彥話影片預計明年3月喺巴塞爾藝術展香港展會(Art Basel Hong Kong)、M+博物館大樓臨海LED幕牆同海外藝術展等平台播放，仲話議員都好支持拍攝活動，期待影片可展現香港呢座城市嘅獨特性格、面貌同魅力。