茶餐廳外賣逢周末加價 食客中伏揭餐牌存陷阱

2023年03月19日 20:05
東網電視
更多新聞短片
香港地地小人多,出街「覓食」總有一間茶餐廳喺左近,不過唔少餐牌或藏有陷阱誤導消費者!Facebook群組「大埔 TAI PO」今日(19日)就有網民分享其外賣經歷,指在大元街市附近光僱某「好惡、好蠱惑」的茶餐廳,其餐牌上將「星期六、日及公眾假期加$10」的字樣寫得特別小,事主形容是「比葱粒還細」,且用貼紙貼上及經已甩色。他原打算以平日價錢48港元買飯,未料結帳後查看帳單才得知中伏。雖然經多次反映才獲退錢及取消訂單,卻換來該餐廳老闆惡言相向:「唔做你(事主)生意」。
事主今日在早上11時半左右路過涉事餐廳,雖然門外餐牌亦是早餐餐牌,但女侍應已表明已有午餐,「叫咗我(事主)入去收銀畀咗當日午餐牌同葱油雞扒飯的餐牌我」,據其發布的相片可見,涉事的「葱油喜好者必食!」餐牌列明兩個飯餐均是48港元,惟價錢下貼有一張已甩色、不顯眼的貼紙,印上疑似「星期六、日及公眾假期加$10」的字樣。惟字樣小得難以發現,事主付錢後發現與預想價錢不一樣,半分鐘內已回去餐廳詢問,才得知周末加價的事實。
見此情況,事主表示想取消雞扒飯的訂單,未料遭兩名侍應圍罵,「話門口大牌有寫我無睇,打咗單無得取消」。事主見此情況,欲用手機拍下餐牌做證,未料遭老闆搶走,「有男侍應(老闆)衝過來一手搶咗張單叫收銀退錢畀我,話不做我生意」。事主最終無奈離開,雖然自己並無損失,但他認為有不少街坊、長者亦曾中招,「老實說,不是$10問題,是不老實、蠱惑的餐牌問題」,批評餐廳的做法疑似「博大霧」。
有關貼文引起網民熱議及討論,更有曾幫襯的街坊留言,一面倒的批評該餐廳的老闆及侍應態度惡劣,更指店內有衞生及霸路情況,「依間嘢係態度好差,唔想做就摺咗佢囉」、「門口啲人食煙吹晒入餐廳」、「呢間嘢好討厭,佢收工用欄杆霸曬條路冇得行」;同時,有網民建議就今次事件向有關的政府部門反映,「似有心踩灰色地帶地誤導人」、「係咪告得?誤導消費者」、「消費者委員會」。