政Whats噏:「港漂」議員開會操普通話 委會員語言「轉頻道」

2023年03月21日 16:02
東網電視
更多新聞短片
受「港漂」議員嘅感染,工商及創新科技事務委員會會議一度採用普通話。
粵語係香港人嘅通用語言,議員用粵語開會亦順理成章。不過,今日(21日)立法會工商及創新科技事務委員會會議,就一度改用普通話對答。而會議之所以「轉頻道」,當中固然涉及多位「港漂」議員;然而,亦跟委員會主席吳永嘉缺席會議,不無關係。
話說今日嘅會議,主席吳永嘉並無現身,於是改由副主席譚岳衡主持。咁啱與會嘅政府代表、創新科技及工業局局長孫東,以及議員尚海龍、洪雯等,同譚一樣都係「港漂」人士,於是各人喺開設工業專員嘅討論中採用普通話;屬於「本地薑」嘅議員黃錦輝、馬逢國可能受語言氛圍嘅影響,即使講粵語會較為流利,亦選擇用普通話發言。
至於「堅持」用粵語發言嘅議員吳傑莊,喺孫東回應過後,都用普通話講聲「謝謝」。後來議程去到討論「設立100億元產學研1+計劃的建議」時,唔知點解,尚海龍同黃錦輝突然用返粵語,不過馬逢國就貫徹始終,照用普通話。