政Whats噏：落雨踢足球　何俊賢竟話天公造美？

踢波先至嚟落雨，難免會好掃興。立法會足球隊為咗備戰5月份嘅比賽，議員何俊賢、邱達根、姚柏良今日(26日)同其他界別嘅足球隊進行練習兼較量，儘管天文台預告會有驟雨及狂風雷暴，但何俊賢都話要「感謝」呢個天氣喎，點解佢咁豁達呢？

何俊賢話今日雨勢唔算大，雖然有人因此而跣倒，但好彩議員們就冇，儘管烏雲敝日，但在勝「涼涼地」，所以佢哋先可以踢咁耐，如果係大太陽的話，恐怕踢一陣就會體力不支喎！

至於今日綠茵場上有4隊足球隊，何俊賢同邱達根就喺IT隊「客串」踢咗兩場，旅遊界代表姚柏良就喺旅遊隊踢咗一場、另一場就充當IT隊球員。最終嘅戰績，係IT隊一和一負，何俊賢形容「算係咁」啦，畢竟對手實力都幾強橫，但佢相信「遇強愈強」嘅練習，有助適應正式比賽咁話。