政Whats噏：視察東鐵綫閘門工程　劉國勳盼可避免有人闖路軌

港鐵咁多條支線入面，得東鐵綫冇幕門，而呢條線周不時都有乘客墮軌嘅事情發生，呢個安全隱患真係要搞搞佢。而呢個月台安裝幕門嘅工程終於要開始啦，議員劉國勳今日（8日）仲去視察工程添！

劉國勳話港鐵今個月起會陸續安裝自動月台閘門，首先會為馬場站同大埔墟站安裝，之後嘅落馬洲、上水、沙田同大圍站就會喺明年起陸續展開。另外，為咗確保工程期間港鐵運作嘅安全系數，粉嶺站同羅湖站就要等上水站同落馬洲站幕門工程完成後先可以進行咁話。

咁工程幾時先搞得掂呢？佢就話港鐵為咗唔影響列車服務，工程就安排喺夜晚進行，估計每個月台的閘門安裝工程平均大約需要3至6個月才能完成，所有自動月台閘門安裝工程大約2025年底完成。劉國勳期望工程可以保障乘客安全之外，都避免再因為有人闖入路軌而影響列車服務咁話啦！