車Cam直擊：婦人攝車罅過馬路　慘遭私家車撞飛

社交網昨日(19)流傳一段途人被撞的「車Cam」片，顯示時間為昨晚10時37分，一名婦人在屯門湖翠路近美樂花園急步闖過馬路，並於一輛的士前面走過時，在的士左邊亦有一輛白色私家車從後馳至。當婦人從車Cam片的車輛與的士中間「攝車罅」跑過時，白色私家車已駛至，並且將過路婦人撞飛。私家車司機其後也下車了解情況。

上傳該車Cam影片的網民表示，撞車後有不少人上前了解情況，「我望到個嬸嬸清醒，坐咗喺馬路度，離開白車車頭2米左右」。由於涉事私家車橫跨兩條行車線而行，因此事件惹來網民熱議，爭論意外中誰對誰錯。

有人指女途人亂過馬路應該負責，「就算跑過馬路都要睇睇左右有冇車㗎」、「夜媽媽攝車罅出嚟，特首一哥局長都避唔切啦」。有網民則指司機責無旁貸，「正唔正線都好，撞到人點都係輸」、「 唔正線就錯上加錯無從辯駁」、「逢係視線受阻都不宜開得太快」。據了解，執法部門並未接獲該宗意外的報案。