政Whats噏：政助祁志鴻履新　孖前老細現身立會

今屆政府上任至今有兩個局嘅政治助理一直懸空。政府日前宣布，委任簡慧敏議員辦公室主任祁志鴻（Keith) 出任其中一個政策局嘅政治助理。啱啱履新嘅Keith，就聯同兩名前老細同師姐現身今日（24日）立法會大會，同大家打招呼。

Keith同簡慧敏齊齊現身，Keith指多謝簡過去嘅教導、支持及鼓勵，簡則笑言係割愛，而支持鼓勵其實係鞭策，係少林寺嚟㗎！而局長搶人才都非常有誠意咁話。期間又見到該局前政助、議員陳凱欣，Keith隨即連叫幾聲師姐，但陳凱欣就教導第一招，話見到女士記得叫師妹喎！又提到呢段時間當局無政助，局方真係好忙碌，現時就有Keith嘅協助。

而Keith喺之前亦曾擔任議員林健鋒議助長達10年，Keith話係林帶住佢入行，見住佢結婚生仔，育有3個仔女，太太亦係一位醫生，曾任職醫院管理局。