內地漢彌敦道熱舞嚇窒途人　視行駛車輛如無物險捱撞

都市人生活壓力大，不少人藉勁歌熱舞抒發情緒，但都要記得揀適合嘅場所！有司機昨日(25日)晚上於油麻地目擊一名西裝男子，在彌敦道及加士居道交界的十字路口跳舞，其怪誕行徑令人側目，期間險與駛近的汽車發生碰撞，有途人見狀遂報案求助，執法人員其後亦到場將他帶走。

事發於昨晚9時許，涉事司機在社交平台上貼文，指駛經上址時目擊該男在馬路跳舞，其穿着整齊的西裝，並打上一條斜紋領呔，雙腳則穿有運動鞋，司機拍片時亦直言，「巴士見到都拍X咗佢」，該男操普通話施施然在路口跳起舞步，惟期間出現不少驚嚇場面。至執法人員接報到場後，將男子帶返行人路，再由救護車送往醫院檢查。

其他網民看畢影片後，均紛紛批評男子無視道路安全，「真係慘，唔郁得塞死，人地想返屋企都唔得」，亦有質疑男子疑醉酒或吸食毒品，「唔飲得就唔好學人飲啦」、「年輕人，遠離毒品」。另有網民笑言，「佢何嘗唔想成為一個偉大嘅舞蹈家」、「想參加《全民造星》？」。