政Whats噏：两工会葵涌开联合议办　陈颖欣林振升拍住上

地区直选同选举委员界议员服务对象唔同，竟然可以合作！事关佢哋都喺嚟自工会，虽然所属唔同工会，但帮嘅同样系打工仔。

嚟自工联会嘅新界西南直选议员陈颖欣，同埋嚟自劳联嘅选委会界别议员林振升，佢哋喺葵涌石篱邨嘅联合办事处今日(27日)开幕。陈颖欣话两个工会多年嚟一直在争取劳工权益议题上合作，推动政府创新劳工政策思维，加强保障打工仔女权益，所以今次合作开设办事处可谓一拍即合，况且今次系佢首次同其他界别议员合办联合开设地区办事处，别具意义。

陈颖欣又话，虽然佢同林振升以唔同嘅产生办法进入议会，但透过合作，既更有效地服务市民，亦有助切实排解民生忧难，佢希望透过增设更多服务点，推动社区发展，喺议会内外同网络平台继续努力。

林振升就话尽管佢唔系嚟自地区直选，同葵涌区亦睇落冇乜关连，但其实劳联喺葵芳设有进修中心，一直都好关注葵涌区嘅地区发展，佢话会同陈颖欣一齐拍住上，更好咁服务市民。