政Whats噏:同場相遇 陳貝兒同傅曉琳有乜關係

2023年05月29日 16:09
東網電視
更多新聞短片
陳貝兒(左)同傅曉琳(右)喺一個活動中相遇。
香港一個咁細哋方,但係有啲朋友都可能一世撞唔番,若果有緣相遇就真係要珍惜嘞!好似今日(29日)喺一個場合中,勞工及福利局政治助理傅曉琳(Sammi)就同佢口中「美麗的師姐」相遇。喺邊個嚟?
咪就係名主持陳貝兒囉!但講到話係師姐,唔通係讀同一間大學?唔係。咁就好易令人聯想起係咪同娛樂圈有關,事關Sammi喺讀大學期間,街頭遇到啲所謂星探,佢貪玩做咗年半兼職模特兒,拍過廣告。之但係,都係唔關事。咁陳貝兒做主持,Sammi曾經係會計師,更加大纜扯唔埋喇!
咁開估喇!其實陳貝兒同Sammi係讀同一間學校,喺瑪利曼中學,而呢間中學有直屬小學,而陳貝兒讀到小學五年級,就隨家人移民加拿大,所以係Sammi嘅師姐。