酒樓飲茶險食「玻璃」蝦餃　職員疑欲毀屍滅迹惹議

隨着本港社會逐步復常，不少父母都會趁周末帶家人飲茶享天倫樂。不過，有港男今日(29日)就在社交平台發文，指日前與家人到沙田蔚景園某大型連鎖酒樓飲茶，在進食點心時竟在蝦餃內發現玻璃碎片，所幸小朋友沒有誤食落肚。不過，他反映職員事後打算強行收回玻璃，結帳時又拒畀收據，疑似將所有物證「毀屍滅迹」，有關行為引來眾網民批評。

事發於昨日(28日)下午，據該港男在Facebook群組「沙田之友」的貼文發布相片可見，涉事玻璃碎片雖然只有不足一個手指頭的大小，但小朋友欲不慎誤食或可有嚴重後果，他又提到，「同職員講完諗住強行收回玻璃。走時又不願意畀收據」，呼籲其他到涉事酒樓用餐的街坊要提防及小心，而自己亦已就該次事件前往食環署投訴。

事件引起同一群組的街坊及網友們注意，有人表示事件可大可小，「嘩，真係好牙煙」、「垃圾酒樓」、「太離譜」；另有人指出，涉事酒樓平時已有不少問題，「呢間酒樓真係好污糟」、「呢間非常差，啲粥好咸，啲嘢唔好食，啲服務好差。唔明白佢點解還生存」、「不嬲呢間嘢服務態度勁差」。