政Whats噏:林健鋒率團訪杜拜 出發日子避開齋戒月

2023年05月31日 18:01
東網電視
更多新聞短片
林健鋒指外國商界對香港嘅重要發展項目似乎唔太了解。(曾卓琳攝)
為咗招商引資,本港政府官員或商界代表都會不時外訪。商界議員林健鋒將會率領商界團於六月中訪問杜拜,為期5日。冀當地商界可以更加了解同投資香港,包括創科、環保等範疇。
林健鋒指外國商界對香港嘅重要發展項目,如北部都會區同交椅洲人工島計劃都唔係好了解,所以都想介紹比佢哋知,吸引佢哋投資,仲可以考慮引入外資、公私營合作融資,從而減輕財政負擔。
想要人家投資之前,首先要入境問禁、尊重同了解當地人文風俗,林健鋒話呢個團出發日子係專登避開齋戒月,佢哋去到當地都會跟從彼邦嘅社交方式,好似唔會有太多身體接觸咁。佢又覺得可以借中國駐當地大使館嘅地方,喺入面成立香港辦公室,專門負責招商引資咁話。