政Whats噏 : 教育事務委員會9月上旬外訪　選定新加坡

隨社會復常後，無論政府還是議會，都已陸續恢復外訪。教育事務委員會早前斟酌緊前往以色列定新加坡進行外訪，惟未有定奪。至今早(2日)開會，委員會主席梁美芬喺會上指，委員會早前已進行諮詢，建議9月外訪新加坡。

有關外訪地點，委員會早前打算以色列或新加坡兩者擇一，當時梁美芬話以色列科技先進，而且家庭教育方面做得唔錯。另外，委員會同樣認為新加坡喺愛國教育方面有目標，以及會分階段教育。

經過一輪醞釀，委員會最終選定新加坡。梁美芬提到，有超過一半嘅議員同意去新加坡，故有此決定，並預料9月4或5日至9月10日進行外訪。

另外，會上亦討論到生涯規劃嘅推行情況，梁美芬建議讓高中學生喺選科前，能夠體驗相關職業。佢仲透露自己高中修讀生物科，好想做醫生，當時更有半班同學都想做醫生，但自己去到醫院見到血就暈，笑言就算讀到都未必適合，所以最終冇修讀醫科咁話。