車Cam直擊 : 客貨車呈祥道疑跣胎「神龍擺尾」　險與旅遊巴撼撞

長沙灣發生驚險交通意外！昨日(6日)下午4時39分，有車Cam拍下一輛客貨車沿呈祥道快線東行，當駛至近呈祥道休憩公園對開一左彎位時，疑因天雨路滑跣胎失控，橫越至中線打「白鴿轉」，繼而「神龍擺尾」，猛撼左邊防撞欄後橫亘慢線上，車頭指回中線。

意外後，一輛旅遊巴沿中線駛近，幸司機手急眼快及時煞停，未有攔腰撼撞客貨車，而拍片車司機亦無被「殃及」，惟親睹眼前險象，不禁抹一把汗。執法部門指，意外涉及一輛客貨車，該車撞毀約5米鐵欄，事件中無人受傷，案件列作「交通意外無人受傷-政府財物損毀」，意外原因有待跟進。

有網民睇片後留言「落雨去到呢個位真係要收慢啲」、「神龍擺尾？」、「香港腳發作」、「年中呢個彎都死唔少車」、「會練到副好身手」、「呢隻彎同蝴蝶谷出明愛大直路嗰隻都係雨天炒車熱點」、「個飄移幾靚」。