政Whats噏：容海恩庆生　撑足7日枱脚

庆祝生日，少不免都要擦番餐。议员容海恩(Eunice)今日(7日)迎嚟46岁生日，适逢立法会开大会，一众议员党友齐齐向佢送上生日祝贺。其实喺一个礼拜前，佢嘅庆生活动已经展开，就系晚晚同老公袁弥昌食饭，今晚都唔例外。

Eunice话由上星期四(1日)开始，佢就同老公“撑枱脚”，遍尝城中各种菜色，当然都系老公负责埋单啦。至于挑选边间食肆，咁伤脑筋嘅事亦都系留番畀老公。至于有冇话因应佢生日，老公卷起衣袖亲自下厨？Eunice就话屋企咁多人，好难煮到好嘢，所以都系交畀出面煮啦，佢话反正老公最大嘅优点，就系搵餐厅！

被问到老公有冇送生日礼物畀佢？Eunice话对方即将出门前往日本，所以份礼物都系迟吓先喎。不过囡囡今早就送咗扎花畀佢，都算系生日礼物啦。