政Whats噏：岑敖暉獄中過第三個生日　曾苦笑由27歲坐到30歲

有份參與民主派「35+」初選，涉違反《港區國安法》而被還押的前區議員岑敖暉，今日（11日）係佢喺獄中度過嘅第三個生日，佢太太都喺Facebook代佢貼文，希望岑敖暉可以快啲出獄同屋企人團聚。

佢太太話岑敖暉成日苦笑話就快「由27歲坐到30歲」，估唔到岑今日喺獄中度過嘅第三個生日之後，真係30歲啦，所以佢都話希望岑可以快啲出來同屋企人、朋友團聚，生日可以一齊切蛋糕、聖誕節可以一起布置聖誕樹、情人節可以親手送花畀愛嘅人人，母親節父親節可以同父母同枱食飯。

翻查資料，岑喺2021年1月6日因參與民主派「35+」初選，涉嫌違反港區國安法而被捕，同年也因參與或煽惑他人參與2020年6月4日，喺維園舉行嘅未經批准集會而被判囚6個月。