粉嶺粥舖買外賣　返閨開蓋有曱甴　市民大呻無胃口

兒歌歌詞「打開蚊帳有隻蚊」，不過有食客打開粥蓋卻有曱甴。事緣有市民今日(20日)在粉嶺一商場內的粥舖買外賣，返家後竟然發現一隻完整的「小強」，正趴在粥面的油炸鬼上，該市民當堂嚇一跳，然後在發貼表示「好彩無食到」，又言「萬幸係佢(曱甴)喺粥面，一開就見到」。

發現粥有曱甴後，該名粉嶺街坊以多角度拍下其「寫真集」，更將小強與整個套餐放在一齊合照，並分享至社交平台Faceboo群組「粉嶺。聯和墟『真』生活點滴群」，又在貼文中形容「隻嘢(蟑螂)嘅手手腳腳太完整，睇到都無胃口」，更表示「食都無食到就掉咗」直言「真係好惡心」。

該市民續指，由於未能與店家取得聯絡，故在網上分享希望警惕眾人「食之前要睇清楚」，又謂「下次可能要check清楚先好拎走」。有網民則留言笑稱「(曱甴)好似好辛苦先爬到上上面」、「小強扮花生」；亦有人認為應報食環署，不過發貼者回覆指「有用咩，過左咁耐」。