一兜小食置地上　兩女子踎街邊疑開餐拮嚟食　網民：真係好地道

「掃街」文化是香港的一大特色。手持小食一邊行，一邊食，一邊買，可謂是樂趣多多，令不少旅客訪港都要親身體驗一番。今日(2日)網上流傳一張疑似遊客踎街邊食小食的相片，引起一眾網民嘩然。

圖中兩名女子踎在過路處前手持竹籤，粉衣女子更擘大雙腳。而兩人前方地上有一兜看似魚蛋或燒賣的小食，相信兩人即時開餐拮嚟食。網民對於兩人的行為表示「真係好地道呀」、「佩服佢地做得出」，亦有網民問「點解唔可以企喺度食」。

早前亦有另一張街邊進食的圖片在網上引起關注。3名女子居然於垃圾桶上開餐，垃圾桶化身餐桌。其中2人手持筷子夾食物，張開口大啖食，豪無顧忌她們所身處的環境。