快餐店女廁停用　5女硬闖男廁被經理「請走」

5女人有三急，女廁停用硬闖男廁！今日(9日)網上流傳一段47秒短片，上載者未有標明拍攝地點及日期，片首見到一名連鎖快餐店經理打開男廁門，用普通話勸喻在廁內的女子離開，不要佔據男廁，更指可到公廁如廁，就算男廁無人，也不能進入，這是規矩。

其後，驚人的一幕出現，小小的男廁裏竟魚貫步出5名女子，當中4名操普通話，最後一名出來的女子用廣東話向經理反擊，指：「隔籬鎖咗門啊嘛！等咗好耐都唔開門，頭先講咗啦！」，經理隨即向女廁拍門，通知內裏的清潔女工盡快完成工作，並說：「趕住用啊，佢哋入晒男廁。」影片於此結束。

網民對事件有兩極睇法，「小事喇喇聲，畀佢去完，唔通喺裏邊食飯咩。」、「咁唔包容嫁(㗎)」、「倒轉男人去女廁得唔得？」、「如果男廁清潔，我又係咪可以入女廁？」、「初頭以為一個，原來咁多人」、「5個人入去，邊間M記廁所甘(咁)大」、「入面開枱呀？」、「咁多人，入去開枱？」