「丐幫」大埔兜搭覓食　醒目街坊錄片逼退　「好心」追問夠唔夠錢

大埔街頭今日(20日)亦現「丐幫」，所幸男街坊醒目未有受騙，更舉起電話拍攝，「覓食女」知難而退，該街坊見對方轉身便走，於是連番追問「點啊，夠唔夠啊？」甚至「好心」表示會代為報案。

事緣有網民在社交平台Facebook群組「大埔人大埔谷」上載片段，只見「覓食女」打扮隨意，上着白T恤、下穿牛仔褲更將包袱前孭，背對着錄片的大埔街坊離去時步姿慵懶，頭束馬尾不時搖擺，一度回眸更可瞥見所戴黑框眼鏡，右手疑持有電話與人通訊，相信並非屬報案之用。

發片網民在貼文中表示「我哋大埔人最好，你地(哋)大6(陸)人冇$食飯我哋一定幫！但點解我想同你地(哋)合照之後再比(畀)錢你地(哋)就走既(嘅)？」有曾被兜搭的網友則留言稱「佢地(哋)專問啲單身男人，我係(喺)大埔比(被)問過一次，眼見佢地(哋)問另一個男人又一次。」