政Whats噏：去完四川睇熊貓　梁毓偉冇得住蒙古包

暑假有唔少學生交流團去內地考察，身兼青年發展委員會副主席嘅議員梁毓偉(Kenneth)亦去咗四川，去得嗰度梗係要親親熊貓喇！睇完熊貓仲飛咗去內蒙古添，但竟然係冇得住蒙古包。

其實Kenneth喺去四川臥龍保護區為喺嗰度實習嘅同學打氣嘅，聽咗實習同學專業嘅講解，亦參觀咗中國大熊貓保護研究中心同大熊貓博物館，當然唔少得同可愛嘅大熊貓全接觸。雖雖佢講同大熊貓全接觸。

睇完之後，Kenneth就飛到內蒙古。咦！係咪住蒙古包呢？係有得住，但唔係佢。佢去咗同喺當地考察嘅後生仔見面，聽下佢哋講騎駱駝遊沙漠，喺大草原住進蒙古包、開篝火晚會嘅經歷。即係齋聽，冇得住。