政Whats噏：上海街頭漫步　林素蔚享受Me Time

正值立法會放暑假，議員大多數都會去考察或者旅行啦，議員林素蔚（Connie）就寓工作於娛樂，去考察上海嘅時候，都不忘遊歷上海百樂門同復興西路，留返個喘息空間比自己咁話。

Connie話香港人生活壓力大，精神健康喺爆煲嘅邊緣，作為註冊社工嘅佢，就話有時候停低15分鐘，享受下大自然美景，都喺一個自我療愈嘅方法，所以佢都喺考察嘅時候，抽時間去充滿懷舊氣息嘅復興西路，話道路兩邊嘅梧桐樹鬱鬱葱葱，漫步其中令人身心舒暢，仲可以去咖啡店休息下，享受「Me Time」咁話。

唔單止休閒咁休息，佢都有去百樂門，感受夜上海、舊上海，話因為見到唔少市民遊客到舞池跳舞，所以體驗到「舞廳之王」嘅奢華同地位。