政Whats噏：李慧琼宣布　不尋求連任民建聯主席

出任民建聯主席8年嘅李慧琼，今晚(8日)喺社交平台貼文話已喺執委會正式宣布唔尋求連任民建聯主席一職。

本身係全國人大常委嘅議員李慧琼話，民建聯執委會換屆選舉即將開始，佢嘅工作亦相應增加，個人有限時間同能力，令佢意識到對黨未來發展同工作未必有利，經再三考慮，決定今年唔尋求出選及擔當民建聯黨主席一職。她又話想藉此多謝全港廣大市民、黨友、政府多年嘅包容、支持，今後必定繼續努力，為國家、為香港、多做實事。

民建聯原定今年4月改選領導層，其後兩度改期，延至9月改選執行委員會，提名期至本月13日截止。李慧琼自今年3月出任全國人大常委後，政界就關注身兼多職嘅佢今次會否退落嚟，如今宣布不再連任主席。李慧琼喺2015年出任黨主席，至2019年區議會選舉建制派大敗，民建聯失去近百個議席，李當時提出辭任黨主席，但獲黨內挽留。