政Whats噏：欠手語傳繹阻失聰者接收資訊　何啟明倡用人工智能

社會強調傷健共融，但殘疾人士仍要面對生活上嘅諸多不便，譬如失聰人士睇電視，好多節目都冇手語傳譯或字幕，對於接收資訊構成妨礙。對此，勞工及福利局副局長何啟明話有解決方法，話可以用人工智能喎。

話說何啟明今日(16日)就出席香港聾人福利促進會嘅活動，席間福利促進會總幹事張漢華表示，香港喺聾健共融上仍有好多改善空間，指依家除咗新聞之外，大部分電視節目皆欠缺手語傳譯或字幕，建議喺啲資訊節目可以加返手語。何啟明回應話要所有電視節目都提供即時手語傳譯，係一定難度，但江西天文台採用嘅手語人工智能就值得參考，將相關科技應用於電視節目做即時手語傳譯，以支援聽障人士日常需要。佢又承諾日後會試下同天文台、電視同九巴等機構進一步研究。