政Whats噏：海洋污染損食品安全　劉仲恒：下一代或要食植物肉

食品安全同健康息息相關，日本喺上月開始排放福島核污水，好多人都擔心對海洋環境構成不良影響。醫療專家顧問委員會成員劉仲恒話好多人都對輻射提高警覺，然而非放射性物質所造成嘅污染更加迫在眉睫，而佢唔食深海魚亦已經好多年啦！

劉仲恒話排放核污水計劃長達30年，對海洋生態嘅影響目前難以斷言，必需長期觀察。但佢因從事醫學診斷嘅關係，發現唔少人體內有重金屬，且高於平均值。雖然重金屬進入身體有多種管道，然而進食海產乃不可忽視嘅途徑。實際上，塑膠污染海洋情況嚴重，現代人有機會因進食海魚而間接將塑膠攝入，若果繼續任由塑膠垃圾喺海洋累積，長此下去下一代要避免進食不含塑膠嘅海產，不如食植物肉還比較容易。

要知道體內有無重金屬等污染物，當然要靠體檢啦！而劉仲恒最近就喺鑼灣開多一間化驗中心，佢話依家嘅經濟環境唔係咁好，恐怕未來兩年嘅市場都會好動盪，但由於人口老化，輪候公營醫院服務嘅市民愈來愈多，對於醫療化驗仍有好大需求。