政Whats噏:Web3風險大 莫乃光嘲財金官員唔識管理

2023年09月26日 12:24
東網電視
更多新聞短片
莫乃光話香港要做Web3中心,隨之而來亦會有好多風險。
虛擬資產交易平台JPEX涉詐騙風波惹起全城關注,曾拒絕公開正申請牌照平台資料嘅香港證監會急急補鑊,推出4新招改善訊息發放。前資訊科技界議員莫乃光(Charles)就話香港要做Web3中心,但就有好多風險,仲嘲諷政府嘅財金官員唔識管理。
Charles喺社交平台貼文話唔單止JPEX風波,另一間香港虛擬貨幣公司亦都出咗事,話畀人Hack咗2億美元(約15億港元),主要係Bitcoin資產,數目大鑊過JPEX,但用戶未必主要喺香港。
至於咁嘅公司使唔使攞牌,Charles都話真係難講,又香港話要做Web3中心,一定會吸引好多咁嘅勾當,貪呢度唔識規管,有咩事就可以大步檻過。佢形容JPEX似係低級騙局,而嗰間被Hack嘅虛擬貨幣公司號稱係高科技都瀨嘢,仲要係黑客入侵,實捉唔到,Web3咁包羅萬有嘅風險光譜,睇證監會、金融管理局同政府官員玩開傳統金融嘅方式同速度,點識管理。