巴士秀茂坪燈位倒車撞尾隨巴士　乘客驚呼「黐線㗎！」

秀茂坪發生兩巴士相撞意外。據網上流傳片段，一輛路線214號九巴沿清水灣道行駛，至安秀路交界時，疑因交通燈號轉為紅燈，而巴士車頭卻駛上了黃格仔，阻礙對頭車行車；一名男乘客自告奮勇落車協助車長睇位倒車，當巴士退回行車線後，該名乘客亦返回巴士上，巴士亦隨即打右指揮燈，以待綠燈後右轉入安秀路。

當交通燈轉為綠燈後，巴士原應右轉離開，但車長突然倒車，尾隨一輛路線88號九巴見狀立即響號提示。拍片者在路線88號巴士上層車頭位置，目睹涉事巴士未有理會提示，繼續倒車撞過來，發出「嘭」一聲巨響，被撞巴士上層乘客即驚呼大叫「嘩嘩嘩！」，拍片者更高聲大呼「識唔識揸車㗎？真係撞落嚟㗎喎！」，其他乘客亦指「黐線㗎！」。

拍片者其後打算由上層走落下層，當他走到樓梯位置時，巴士再遭到撞擊，他即呼叫「仲撞？搵人報警啊！」。被撞巴士車長隨即向乘客查詢「有無人受傷？」，拍片者稱「樓上應該無」，並向車長表示「我咁啱影咗片」，車長則回覆「真係唔該晒你！」，被撞巴士車頭擋風玻璃破裂，幸事件中無人受傷。

昨日(2日)晚上9時42分執法人員接獲報案，指兩輛巴士在清水灣道與安秀道交界相撞，事件中無人受傷，案件列「交通意外無人受傷」處理。

九巴發言人表示，一輛路線214號巴士於新清水灣道駛至安秀道時，因誤入行車線先由其他駕駛者協助倒車，其後與另一輛路線88號巴士發生交通意外，事件中無人受傷。九巴會嚴肅跟進事件，車長已暫停駕駛職務，協助調查。