政Whats噏：廣州舊啤酒廠搞夜市　簡慧敏話旺丁又旺財

廣州交易會日尋日(15日)開幕，好多廠商都去咗廣州，咁橋議員簡慧敏(Carmen)都喺嗰度，仲體驗咗當地嘅夜經濟添！

Carmen嘅夜市唔係普通嘅一條街。Carmen話尋晚去咗珠江琶堤體驗廣州嘅夜經濟，一到埗就睇到「琶堤」嘅英文「Party pier」大招牌！ 雖然係周日晚上，佢形容當時人流仍然暢旺。

睇Carmen上載嘅相，見到嗰度係搞緊啤酒節，裏面有舖頭，同時亦擺咗好多攤檔。佢就話聽講嗰度係珠江啤酒廠嘅舊廠址，內地當局將廠房改造成一個旺丁旺財嘅消遣地。

話時話，香港搞夜經濟就喺海濱擺設小攤，Carmen會唔會向政府建議參考下內地嘅做法，搵一啲有特色嘅地方去發展夜市呢？