小巴賀年藏乾坤　揮春利是貼滿車　網民稱讚有氣氛

正值新春，商場大樓換上新年裝飾，喜氣洋洋的氣氛充斥。游走在街上的賀年小巴你又見過未？有網民在前日年初一(10日)有緣登上這輛特別小巴，直言「上車唔好入錢住」，皆因映入眼簾的是密密麻麻的揮春及當成裝飾的利是封，車頭車尾都是濃厚的過年氣氛，令網民不禁歌癮起，「識唱既一齊唱，年~又過年~共慶歡度年年」。

網民在Facebook群組上分享這輛小巴。從相片可見，車頭滿布不同款式的揮春及利是封，連八達通機及入錢箱都「唔放過」，貼上吉祥如意、身體健康和年年有餘。而車尾位置貼上不同樣式的利是封，用盡車內每一寸空間。賀年小巴相當少見，相信是司機落足心機，一手一腳自己裝飾。

不少網民見到大讚新年氣氛好，睇見都歡樂，亦有人表示「真想去坐一下」。有網民打趣道，「提醒大家新年要比利是司機」。樓主回覆指，這輛小巴是行走鑽石山與奧運的70號專線小巴，更建議乘客自己加插賀年歌。