天水圍有「一拖二」電動單車行駛　網民指睇落好牙煙

非法使用電動單車屢見不鮮！今日(11日)社交網流傳一張照片，可見一名穿T恤、短褲及波鞋女子，駕駛一輛懷疑電動單車於道路行駛，2名小童分別坐於車頭及車尾，在車頭的籃子上放有一大袋物品。上載照片的網民直指，「天水圍呢啲電動單車，睇落真係好牙煙」。

照片亦惹來眾多網民熱議，紛紛表示「上水都很多」、「東涌都唔少」、「其實18區都有，捉得晒咩」、「一定要有意外先知驚啦，同樣冇死人正苦(政府)睬你都傻」、「當咗呢度係大陸，點揸都冇問題，雖然香港同大陸已經冇乜分別」。

另有網民擔心行人安全「上行人路撞到細路老人家點算？出馬路又唔跟燈，同時害司機，最慘冇牌冇保險，有責任都追唔返佢哋，完全係計時炸彈」。