禮貌運動上月剛推出　巴士司機及酒店接待員「跳掣」爆粗罵客

政府宣布6月推行「全城禮貌運動」，推廣「好客之道」，讓每一位香港市民都成為「禮貌大使」，但未必人人積極參與。網上流傳兩條服務行業員工爆粗罵客人的影片，據報其中一條片拍攝在沙田大涌橋路一酒店，片首見一名前台男接待員與一名男顧客口角，期間接待員突然「跳掣」連橫爆粗，並喝斥顧客「X你老X，我幫緊人哋個客，你做乜X嘢呀你？你係咪傻X咗呀？」男顧客隨即反擊「你真係傻X咗呀！」酒店職員的行為亦令旁邊另一同事為之側目，但未有上前調停。影片亦於此結束。

另一條影片則拍下一輛龍運巴士駛至尾站機場客運大樓地下巴士站，疑因無乘客撳鐘落車，於是直接駛往巴士員工休息區收車。期間車上一名男乘客不滿車長行徑，詢問車長「你叫咩名？」，車長一邊落車一邊回應「你都黐X線㗎」，男乘客反駁「你先黐X線啊，奇奇怪怪嘅你」，車長回頭指罵「X你老X，做咩啊？奇乜X嘢怪啊？」其後更向男乘客咆哮「我X臭你老X，你扮X晒嘢啊，你叫咩名啊？你乜X嘢身份證啊？你都白癡。」

期間，車長更取出手機反拍男乘客，更叫對方「咪X走啊！」男乘客則指「我依家返去，返去機場啊！」車長一邊舉機一邊狂鬧「我依家X你老X啊，你搭巴士大X晒，X你老XX，乜X嘢，大家鬥影囉」，雙方一輪互相指罵，車長更情緒激動，粗口橫飛，最終不歡而散。上述兩條影片均未有交代拍攝日期。

龍運巴士發言人表示，7月2日下午約6時50分，龍運一名駕駛A33線的車長由屯門公路轉車站駛往機場(地面運輸中心)，其後與車上一名乘客發生口角。該名車長已被暫停駕駛職務，龍運會調查事件。如果經進一步調查，證實有人違反工作守則或紀律，會作出適當處分。