小巴林錦公路撞飛兩狗1死1傷　目擊男爆粗︰有冇搞X錯

大埔林錦公路發生撞死狗事件，昨晚(13日)11時06分，一輛25K綠色專線小巴，沿林錦公路往大埔方向行駛，至近寨乪路時，迎面撞飛兩隻狗，途經駕駛人士發現代為報案。有保護動物義工接獲求助趕至現場，發現其中一隻雄性狗隻口吐鮮血臥在路邊，牠其後被證實當場死亡，遺體用白布遮蓋，據悉，義工將遺體運回獸醫中心暫放，稍後轉交善終公司處理。

據報被撞斃狗隻身上有晶片，未絕育，體重超過40公斤；至於另一隻同被撞傷唐狗則身形較小，意外後疑受驚逃離現場。執法人員接報到場，小巴司機在場助查，案件列「交通意外有動物受傷」跟進。消息指，涉事兩唐狗事發前在大陽輋村村口馬路徘徊，懷疑走失。

有車Cam拍下意外一刻，當時兩犬在馬路中徘徊，多輛汽車駛經時，司機均亮起「死火燈」慢行避開，而拍下車Cam片的私家車司機亦慢駛尾隨兩狗，車上一名女子估計兩狗有人飼養，着同行司機「睇住佢喺前面，由佢去」，惟兩狗其後走到對面線，適時涉事小巴駛經，旁邊駕駛者見狀即響號提示，惟小巴司機不及反應，最終將兩狗撞飛，私家車上兩男女目擊情況不禁「爆粗」，痛批「咁都撞X到，有冇搞X錯」，女子亦指「黐X線，報案。」