3孩童天水圍亂過馬路險捱撞 　男親友零反應招網民鬧爆

天水圍3孩童連環亂過馬路險釀悲劇！有網民上載一條長53秒的驚險車Cam片，但未有標明事發日期，片頭開始見3名孩童由一名身穿黑衣黑短褲的男子帶同下，在天城路近天柏路交界奔跑過馬路，當4人步至路中安全島時，期間行人燈號疑剛由綠燈轉為紅燈，其中一名孩童即奔出馬路，尾隨兩名孩童見狀一度卻步，其後兩童「有樣學樣」連環奔跑過馬路，最後一名孩童險被一輛由天柏路左轉入天城路的私家車撞倒，幸司機反應及時，目睹該孩童即響按示警及收慢車速，否則後果堪虞。

帶同3孩童的黑衣男見3童亂過馬路卻未有制止，他站於安全島待行人燈號轉為綠燈後始過馬路，他施施然步至時，未見其指摘3童亂過馬路，其後4人步離現場，片段亦至此為止。

有網民睇片後均留言指摘帶同孩童的男子，「疏忽照顧兒童，可以入罪的」、「完全似冇心睇，一次帶3個出門又唔係會乖乖拖手慢慢行，真係好危險。」、「可能家長自己都衝開，感覺佢完全係無動於衷」，另有人指「出咗事，就呼天搶地!」。