美孚行動不便婦人　未步離斑馬線3車駛過　惹網民激辯

網上瘋傳一條行動不便婦人橫過斑馬線的影片，因她未步離斑馬線，有3輛私家車駛過，引起網民熱議。現場在荔枝角美孚新邨百老匯街一斑馬線，片中見一名持助行器的婦人由左至右橫過斑馬線，期間一輛七人車及一Tesla電動車衝過斑馬線，與婦人相距僅1米多，隨後一輛白色私家車司機見有一名男子橫過斑馬線遂停下，惟當時婦人仍未步離，司機隨即開車，片段亦至此完結，影片未有標明事發日期。

至今日(31日)凌晨時分，已有300多名網民就事件回應，有人矛頭指向拍片者，「甘(咁)你唔行去扶吓丫(阿)婆，淨係識係度影」、「你咁離譜嘅，你咁正義唔過去幫手？拍片對你對佢有咩幫助？」，但亦有人撐拍片者「影得好」、「做得好好」，另有網民發問，「私人地方都係under法例」、「我意思都係咁樣，但係我想講嘅就係呢一條條例適唔適用於私人地方呢？定係所有交通條例都係涵蓋晒所有地方，包括私人地方？」、「美孚日常」、「私家路……」，亦有人表示「法例斑馬線上有行人就要停車讓行人過晒先行得，所以3架都告得」、「擧(舉)報送佢哋3架車一程」、「最尾個部ok，頭兩部危駕」。