馬季開鑼　馬場新手大讚氣氛好

相隔接近兩個月，今日(8日)是馬季開鑼大日子，雖然一直落緊毛毛細雨，但無阻馬迷及市民、遊客到沙田馬場觀戰嘅興致，而今日入場馬迷有賽馬月曆送。一眾馬迷提早到沙田馬場等開門，入場後第一時間打響銅鑼祈求新季旗開得勝。

喺香港讀大學嘅23歲瑞士籍大學生Jakob，因為想感受馬季開幕氣氛，所以同朋友一齊入場嚟，佢認為現場氣氛好，比想像中多人，並預計全日投注500元。

喺香港城市大學攻讀碩士的Kate，帶一班同學到馬場，當中兩人係德國來港嘅留學生。初次到馬場嘅Kate表示氣氛不俗，但落雨會影響興致，並期待近距離欣賞賽馬，不排除投注少許。Kate又表示唔算特別喜愛呂爵安，所以計劃與友人逗留至下午便離開。