車Cam直擊：九龍塘家長帶學童過路　「攝車罅」險被撞惹批評

網上流傳「車Cam」片段，顯示於今晨(9日)7時許，一名家長懷疑帶學童趕返學校，在九龍塘界限街近金巴倫道交界位置，越過4條行車線橫過馬路，當時現場交通略為繁忙，更有執法部門車輛慢駛而過，惟該名家長未有理會，在非行人過路處的路口，手拖學童「攝車罅」橫過馬路。

拍下「車Cam」片的私家車沿慢線駛至，赫見兩人由右側汽車車頭衝出，幸司機及時煞掣，未有撞倒二人。由影片可見，該名家長亦明顯「嚇一嚇」停下腳步，待定神後繼續拖着學童橫過其餘馬路，過程相當驚險。該名私家車司機亦不禁批評對方「黐線㗎真係！」

網民對事件大感憤怒，認為涉事家長罔顧小朋友安全，更為小朋友做壞榜樣，揶揄家長教出一個「賽跑冠軍」，加上當時有執法部門車輛在場，該名家長仍然鋌而走險，直言「呢啲父母真係要重罰」。