六合彩今晚攪珠　頭獎可達1億元　最旺冧巴要捉實

發達機會又嚟啦！六合彩今日(8日)晚上將進行第二輪金多寶，由於金多寶有8,000萬港元，估計10港元一注獨中頭獎，彩金可以高達1億港元，真係唔可以錯過發大財嘅機會。截至下午5時許，馬會網站顯示投注總額達195,869,492港元。

上期攪珠8號波先開出，今次一定要吼實9號，因為對上3次8號開完，9號便緊隨其後出現，既然條攤路咁好捉，梗係要跟跟！另外，14同21號亦屬近期旺門號碼，其中14多數單跳，上期輪空，今次就要吼住；至於21號就更加屬旺門中的旺門，而且亦試過打疊開，今次要追！

此外，據資料顯示，過去20期金多寶中，攪出最多次數的號碼是2及36，共攪出過7次。其次是1及12，共攪出過6次，而9、13、20、25就攪出過5次。

馬會今年十一假期舉行兩輪六合彩金多寶攪珠，分別於上周三(2日)及今日舉行。今期六合彩截止售票時間為晚上9時15分，攪珠同晚9時半舉行。