兩烏龍保安粗暴「捉賊」　女顧客被屈辱喊住寫千字文控訴

有網民在社交平台貼文，分享一則不愉快的購物經過。女事主指自己在尖沙咀工作，於昨日(8日)早上約10時，在金馬倫道一間護理產品連鎖店內，購買兩盒川貝枇杷膏，並透過自助付款機以八達通結帳，當她離開店舖約50米後，突然有兩名陌生女子追至，分別向事主出手箍頸及拉扯其背囊，其中一人喝斥女事主「妳跟我過嚟！妳無畀錢！妳偷嘢！」二人合力強行將女事主拉回店舖。

期間，事主十分驚慌，高呼求救，惟途人目睹後並未有制止，事主暗忖「會唔會就咁畀人拉走咗，見唔到屋企人呢？」亦心想會否兩人認錯人，所以拉低口罩詢問「妳係咪認錯人？」但亦未獲對方理會。當3人返回店舖後，經理一臉茫然問女事主事情始末，當時事主驚惶痛哭，向經理展示購物收據。

經理證實事主有付款購物，稱該兩名女子為店內的「便衣保安」，女事主聞言深感不忿，駁斥經理指「你覺得我無畀錢，你咪問我攞張收據睇囉，唔便扯住我入返舖頭啩。」女事主表示對事件非常震驚，其後向店舖客戶服務部作出投訴，惟未獲回覆，她更指事後撰寫貼文時仍手震心跳，不時啜泣，坦言被冤屈的感覺絕不好受。

貼文有逾2萬人瀏覽，有網民指「如果係我一定打999上白車」、「係(喺)街度除左(咗)警員，應該冇人有權捉人入鋪(舖)頭，呢個係非法禁錮」，另有人問「樓主去咗醫院驗傷未？」亦有網民稱「可以搵律師民事訴訟。」