警車元朗衝紅燈險捱撞　網民：阿Sir呆咗幾秒打番「事後燈」

有網民昨日(29日)在社交平台上載一條長約40秒的警車衝紅燈車Cam影片，顯示在上周六(26日)晚上9時許，一輛警車沿元朗鳳池路往屏會街方向行駛，當駛至宏達路交界燈位前停下，期間懷疑警員「睇錯燈號」衝紅燈，適時一輛私家車沿宏達路往朗屏邨方向駛至，幸司機及時將車煞停，未有攔腰撞向警車。

此時，駕車警員若無其事，繼續駕車駛至媽橫路燈位前停下，惟當時該燈號為綠燈，警員在約10秒後始「後知後覺」，往屏會街方向駛走警車。由片段中可見，警員於駛過燈位後，車頂閃燈隨即亮起，並往元朗北方向駛去，未知是因早前衝燈「知衰補鑊」，抑或突然接到上峰指令前往執行職務，片段亦至此為止。

有網民留言指，「阿Sir疑似睇錯燈呆咗幾秒打番事後燈扮無事」、「呢盞燈見過幾次有人睇錯燈衝咗出去」、「朗屏邨出嗰個位，試過有人睇錯燈畀阿Sir告危駕」，有人稱上址兩支交通燈位置設計有問題，「阿Sir都睇錯盞燈，係咪應該要搞搞佢呢？前面就綠燈，後面仲係紅，年中唔知幾多人中招。」

涉及警車的交通意外頻生，警員的駕駛態度、日常訓練及警車的維修保養問題均為人詬病。10月6日早上７時許，一輛警察電單車與一輛的士，在柴灣歌連臣角道一條單線雙程行車路上迎頭相撞，一名男警腰及腳部受傷送院。

9月25日凌晨時分，一輛警察戰術巴士在旺角荔枝角道停車執行職務，期間懷疑一名警員無留意路面情況，打開右邊司機車門，遭一輛駛至的九巴撞毀車門。8月26日早上8時，兩輛警察電單車前往屯門公路處理一宗4車相撞意外，惟兩人沿路肩駛往現場期間，懷疑路面沙石導致跣胎失控，2名警員同告倒地受傷送院。