半山單車漢越雙白線自炒趴街　網民 : 有運咁都無車到

網上流傳一條單車漢違反交通規例自炒的「車Cam」片，片長約22秒，片主駕車沿半山馬己仙峽道落斜，當駛至一彎位前，尾隨一名單車漢越過雙白線爬頭，他入彎時疑車速太快失平衡，人仰車翻，幸片主當時車速緩慢，以及對面線無車駛經，故單車漢沒有被撞及，此時，單車漢疑似無受傷，他自行站起，期間另一架單車亦從後飛馳而過；墮地單車漢隨即跳上車追隨前車，片段至此完結。影片中亦見到，片主前方數個車位另有數名騎單車人士，惟未知是否與涉事單車漢相識。

網民紛紛留言：「有運，咁都無車到」、「真心問，如果片主唔係咁慢，架車快多小小(少少)，車死左（咗）個男仔，咁片主有無事？」、「人無事可以做世界冠軍」、「轉個彎已經唔見咗，佢都走得幾快」，亦有人指摘單車漢「直路狂，灣（彎）路亡」。