巴西直擊：祖利奧施薩指禁慾可取好成績

由聖保羅出發尋找另一位巴西退役球星祖利奧施薩，搭左個幾鐘頭車，長途跋涉終於到左祖利奧屋企啦！入到去見佢間屋都幾樸素，但個人就好有球星風範，單係坐梳化已經霸氣盡現！對於嚟世界盃，祖利奧認為今年巴西好大機會拎冠軍，十分睇好尼馬將會喺今次世盃有所表現，而佢亦好希望決賽週會上演巴西同阿根廷既大戰。

喺2002年巴西隊教練史高拉利下令球員禁慾，就拎到世盃冠軍，而今年就無呢個指令，祖利奧又認為會唔會影響球隊表現？佢就話：「呢啲時候好需要球員自己自律，專注比賽，當年佢地都係咁做，因為贏到世盃係好大嘅榮耀。」●東網記者溫振強巴西直擊